భగవద్గీత పారాయణం

అర్జున ఉవాచ

ఏవం సతతయుక్తా యే
భక్తాస్త్వాం పర్యుపాపతే |
యే చాప్యక్షరమవ్యక్తం
తేషాం కే యోగవిత్తమాః || 1

శ్రీ భగవాన్ ఉవాచ

మయ్యావేశ్య మనో యే మాం నిత్యయుక్తా ఉపాసతే !
శ్రద్ధయా పరయోపేతాః తే మే యుక్తతమా మతాః !! 2

యే త్వక్షరమనిర్దేశ్యమ్ అవ్యక్తం పర్యుపాసతే !
సర్వత్రగమచింత్యం చ కూటస్థమచలం ధ్రువమ్ !! 3

సంనియమ్యేంద్రియగ్రామం సర్వత్ర సమబుద్ధయః !
తే ప్రాప్నువంతి మామేవ సర్వభూతహితే రతాః !! 4

క్లేశో ధికతరస్తేషామ్ అవ్యక్తాసక్తచేతసామ్ !
అవ్యక్తా హి గతిర్దుఃఖం దేహవద్భిరవాప్యతే !! 5

యే తు సర్వాణి కర్మాణి మయి సన్న్యస్య మత్పరాః !
అనన్యేనైవ యోగేన మాం ధ్యాయంత ఉపాసతే !! 6

తేషామహం సముద్దర్తా మృత్యు సంసార సాగరాత్ !
భవామి నచిరాత్ పార్థ మయ్యావేశితచేతసామ్ !! 7

మయ్యేవ మన ఆధత్స్వ మయి బుద్ధిం నివేశయ !
నివసిష్యసి మయ్యేవ అత ఊర్ధ్వం న సంశయః !! 8

అథ చిత్తం సమాధాతుం న శక్నోషి మయి స్థిరమ్ !!
అభ్యాసయోగేన తతో మామిచ్చాప్తుం ధనంజయ !! 9

అభాసేప్యసమర్థోసి మత్కర్మపరమో భవ !
మదర్థమపి కర్మాణి కుర్వన్ సిద్ధిమావాప్స్యసి !! 10

అథైతదప్యశక్తోసి కర్తుం మద్యోగమాశ్రితః !
సర్వకర్మఫలత్యాగం తతః కురు యతాత్మవాన్ !! 11

శ్రేయో హి జ్ఞానమభ్యాసాత్ జ్ఞానాద్ధ్యానం విశిష్యతే !
ధ్యానాత్ కర్మఫలత్యాగః త్యాగాచ్చాంతిరనంతరమ్ !! 12

అద్వేష్టా సర్వభాతానాం మైత్రః కరుణ ఏవ చ !
నిర్మమో నిరహంకారః సమదుఃఖసుఖః క్షమీ !! 13

సంతుష్టస్సతతం యోగీ యతాత్మా దృఢనిశ్చయః !
మయ్యర్పితమనోబుద్ధిః యో మద్భక్తస్స మే ప్రియః !! 14

యస్మాన్నోద్విజతే లోకో లోకాన్నోద్విజతే చ యః !
హర్షామర్షభయోద్వేగైః ముక్తో యస్స చ మే ప్రియః !! 15

అనపేక్షః శిచిర్దక్షః ఉదాసీనో గతవ్యథః !
సర్వారంభపరిత్యాగీ యో మద్భక్తస్స మే ప్రియః !! 16

యో న హృష్యతి న ద్వేష్టి న శోచతి న కాంక్షతి !
శుభాశుభపరిత్యాగీ భక్తిమాన్ యస్స మే ప్రియః !! 17

సమశ్శత్రౌ చ మిత్రే చ తథా మానవమానయోః !
శీతోష్ణసుఖదుఃఖేషు సమస్సంగవివర్జితః !! 18

తుల్యనిందాస్తుతిర్మౌనీ సంతుష్టో యేన కేనచిత్ !
అనికేతః స్థిరమతిః భక్తిమాన్ మే ప్రియో నరః !! 19

యే తు ధర్మ్యమృతమిదం యథోక్తం పర్యుపాసతే !
శ్రద్దధానా మత్పరమా భక్తాస్తే తీవ మే ప్రియాః !! 20